01. ICT – Infraestruturas Comúns de Telecomunicacións
Volver ó curso
Orixe da ICT
A mediados do século XX a televisión empezou a estenderse. Por cada domicilio se poñía unha antena no tellado e un cable pola fachada. Pronto se regulou isto e se fixo a primeira lei sobre antena colectiva.
Definición de ICT
Unha infraestrutura común de telecomunicación (ICT) é o conxunto de equipamentos, cables e medios técnicos que transportan os servizos de comunicacións desde os puntos de interconexión dos servizos ata as tomas de usuario:
- Radio e televisión (RTV). Captar, adaptar e distribuír ata os receptores.
- Teléfono, “Servizo de Telefonía Dispoñible ó Público” (STDP). Dar acceso ós servizos de telefonía e transmisión de datos a través da rede telefónica básica (TB) ou a rede dixital de servizos integrados (RDSI).
- Comunicacións de banda larga. Dar acceso ós servizos de telecomunicacións de banda ancha (datos, televisión...) mediante:
- Cable coaxial ou fibra óptica: (TBA, “Telecom. de Banda Ancha”).
- Sen fíos: servizo de acceso inalámbrico (SAI).
Tamén inclúe as canalizacións dos cables e os armarios ou caixas de distribución ou rexistro.
Fíxate que algúns destes servizos entran por medios guiados (cables) e outros por medios non guiados (antenas).
Normativa
Existen unha serie de normas técnicas que garanten a calidade dos servizos. O marco legal da ICT é:
- RD 401/2003 de 4 de abril, polo que se aproba... (igual que o seguinte). “ICT1”.
- RD 346/2011, de 11 de marzo, polo que se aproba o regulamento regulador das ICT para os servizos de telecomunicación no interior dos edificios. “ICT2”.
- Orde ITC/1644/2011, de 11 de xuño pola que se desenvolve o regulamento regulador das ICT.
Ámbito de aplicación
Tódolos edificios que estean acollidos ó réxime de propiedade horizontal (Lei 49/1960, de 21 de xullo):
- Edificios residenciais de vivendas de múltiples propietarios.
- Edificios residenciais de vivendas de un só propietario si se dedica a arrendar. Tamén se inclúen hoteis e naves industriais.
- Conxuntos de vivendas unifamiliares que teñan elementos comúns (accesos, piscinas). (chalés parcelados, pareados e adosados).
- Locais comerciais e oficinas.
Isto se aplica ós edificios de nova construción ou que sufriran rehabilitación integral desde 1998. Exclúense as vivendas unifamiliares, aínda que a ICT pode aplicarse igual. Máis info.
As vivendas unifamiliares non precisan seguir a norma ICT, só se recomenda.
Estrutura da ICT2 (RD 346/2011)
O regulamento se divide en cinco anexos. Os nomes completos están no regulamento:
- Anexo I: Norma técnica de RTV terrestre y satélite.
- Anexo II: STDP y banda ancha.
- Anexo III: Especificacións técnicas mínimas (canalizacións, recintos...).
- Anexo IV: Inspección técnica de edificacións (ITE). A partir de 30 anos e despois cada 10. Establece o protocolo de probas para avaliar a operatividade das infraestruturas (medidas e comprobacións).
- Anexo V: Fogar dixital. Recomendacións, non obrigas en materia de seguridade, control do entorno, eficiencia enerxética, ocio e entretemento, comunicacións, contidos multimedia.
Vantaxes da ICT
Os servizos se reciben de maneira ordenada. Cando se contrata un novo servizo, o operador ten que utilizar de maneira obrigatoria as redes da ICT (recintos, arquetas, tubos...). Outra vantaxe é que aporta unha división de zonas que delimita as responsabilidades en caso de avaría:
- Zona exterior: proveedor de servizos.
- Zona común: comunidade de veciños.
- Zona privada: propietario de cada vivenda.
Tamén garante o segredo de comunicacións.
Estrutura da orde de desenvolvemento da ICT2 (ITC/1644/2011)
Ten os seguintes obxectivos:
- Fixar o contido e estrutura do proxecto técnico de execución da ICT.
- Regular o proceso de consulta e intercambio de información entre proxectistas e operadores de telecomunicacións da zona.
- Establecer obrigas do director de obra.
- Modelos de documentos tales como actas de replanteo, certificados fin de obra...
- Establecer formato e contido do manual de usuario da instalación.
- ...
Preguntas de repaso
- Enumera os servizos que se abarcan na ICT.
- As instalacións de R/TV se reciben por medios: guiados / non guiados.
- As instalacións de STDP se reciben por medios: guiados / non guiados.
- As instalacións de SAI se reciben por medios: guiados / non guiados.
- Explica a estrutura da ICT e que se trata en cada anexo.
- As vivendas unifamiliares rurais entran no ámbito de aplicación da ICT?
- Se eu constrúo un edificio de vivendas e o manteño baixo o meu nome para arrendalo, terá que aplicar a norma ICT?
- Fai un esquema do ámbito de aplicación da ICT.
- Enumera algunhas vantaxes da ICT.
Extraído de:
- “Infraestructuras Comunes de Telecomunicaciones en Viviendas y Edificios” – McGraw Hill, 2011
- “Configuración de Infraestructuras de Sistemas de Telecomunicaciones” – Paraninfo, 2014
Volver ó curso