04. Instaladores de telecomunicación

Volver ó curso

As empresas que realicen actividades no ámbito de telecomunicacións (instalación ou mantemento) deben inscribirse no Rexistro de Instaladores de Telecomunicación creado na Secretaría de Estado de Telecomunicacións e Sociedade da Información (SETSI). Para poder efectuar a inscrición a empresa debe dispoñer dun titulado competente.

Lembra: Os instaladores de teleco que realizan instalación e mantemento de ICT deben habilitarse para instalacións de tipo A ou F (nova xeración) e dispor como mínimo dos equipos de medida adecuados.

Rexistro de instaladores de telecomunicación

Persoas físicas e empresas ou entidades que teñan condición de instaladores habilitados e queiran exercer. Teñen que cumprir os requisitos e ademais presentar a declaración responsable. Os requisitos son:

• Dispoñibilidade de medios técnicos apropiados.
• Cualificación técnica adecuada. Condición necesaria que a empresa teña un titulado competente para a actividade (universitario ou de FP).
• Seguro de responsabilidade civil.
• Estar consciente das obrigas tributarias e para coa Seguridade Social.
• Pago da taxa por inscrición no Rexistro.

Tipos de empresas instaladoras

TIPO A: Infraestruturas de telecomunicación en edificios ou inmobles. Neste grupo:

• Destinadas a captación e distribución de sinais de radiodifusón sonora e TV.
• Destinadas á distribución de sinais de telefonía, desde o distribuidor do edificio ata os puntos de conexión dos aparellos.
• Destinadas á distribución de sinais de telecomunicacións por cable.
• Portería e videoportería.

TIPO B: Instalacións de sistemas de telecomunicacións. Neste grupo:

• Centrais telefónicas.
• Cableado de voz e datos.
• Estacións VSAT (Very Small Aperture Terminals). Para datos via satélite.

TIPO C: Instalacións de sistemas audiovisuais (de ata 40kHz en audio e ata 10MHz en video):

• Instalacións de sonorización e megafonía.
• CCTV (Circuito Pechado de Televisión) e videovixilancia.
• Estudios de produción audiovisual.

TIPO D: Instalacións de centros emisores de radiocomunicacións (emisores e reemisores de radiodifusión, telefonía móbil, redes inalámbricas de exteriores).

TIPO E: Instalacións de telecomunicación en vehículos móbiles. Inclúese todo o do tipo D cando se realice en vehículo móbil.

TIPO F: Instalacións de infraestruturas de telecomunicación de nova xeración e redes de telecomunicacións de control, xestión e seguridade en edificacións e conxuntos de edificacións. Inclúense tódalas instalacións de ICT executadas mediante tecnoloxías de acceso ultra-rápidas.

Tecnoloxías de acceso ultrarrápidas inclúen: fibra ótica, cable coaxial e pares trenzados categoría 6 ou superior.

Equipamentos mínimos

TIPO A:

• Multímetro
• Medidor de terra
• Medidor de illamento
• Medidor de intensidade de campo con pantalla e posibilidade de realizar análise espectral e medidas de taxa de erro sobre sinais dixitais QPSK e COFDM. → isto é o medidor de campo.
• Simulador de frecuencia intermedia (5- 2150MHz).

TIPO B: Multímetro, medidor de terra, medidor de illamento e analizador/certificador de redes de telecomunicación si se traballan redes de datos ou comprobador de enlaces si se traballan centralitas privadas de aboado.

TIPO C: Sonómetro, multímetro, medidor de illamento, medidor de terra, medidor de intensidade de campo con pantalla e posibilidade de realizar análise espectral e medidor de impedancias en audiofrecuencia.

TIPO D: Frecuencímetro, watímetro, multímetro, medidor de terra, analizador de espectro, carga artificial e analizador de radiocomunicacións.

TIPO E: Equipos de rango e precisión de medidas adecuados, que incorporen as funcionalidades de medida dos aparellos sinaladas nos tipos anteriores, dependendo da instalación e a clase do vehículo no que se efectúe, con excepción do medidor de illamento.

TIPO F:

• Medidor selectivo de potencia óptica e testeador de fibra óptica monomodo para FTTH.
• Equipo de empalme ou conectorización en campo para fibra óptica monomodo.
• Analizador/certificador para redes de telecomunicación de categoría 6 ou superior.

Exercicios

1. Mediante que proceso un instalador se inscribe no Rexistro de Empresas Instaladoras de Telecomunicación?
   • a. Mediante o paso dunha proba que acredite os coñecementos requiridos.
   • b. Mediante unha declaración responsable.
   • c. Mediante un proceso de intercambio de información.
   • d. Solicitando na secretaria xeral o carné de instalador.
2. Cal dos seguintes equipos non se inclúe entre os medios técnicos mínimos que debe dispoñer un instalador de telecomunicacións tipo A?
   • a. Medidor de intensidade de campo.
   • b. Simulador de FI.
   • c. Medidor de illamento.
   • d. Medidor selectivo de potencia óptica para FTTH.
3. Para ser instalador tipo F:
   • a. Requírese equipo de empalme mediante fusión (fusionadora).
   • b. Serve equipo de empalme mecánico.
   • c. Non é preciso equipo para unir FO.
4. Di que tipo de empresa instaladora (A, B, C...) vai con cada instalación proposta:
   • a. Instalación de centrais telefónicas.
   • b. Instalacións de sistemas de megafonía.
   • c. Instalacións de ICT en edificacións executadas mediante tecnoloxías de acceso ultrarrápidas.
   • d. Instalacións destinadas á captación e distribución de sinais de radiodifusión sonora e televisión
   • e. Instalacións en centros emisores e reemisores de radiodifusión sonora e televisión.
   • f. Instalacións de telecomunicacións a bordo de vehículos terrestres.

Exericios repaso tema

1. Que persoa realiza a acta de replanteo dunha ICT?
   • a. Arquitecto.
   • b. Director de obra.
   • c. Instalador de telecomunicacións.
   • d. Proxectista.
2. Cal das seguintes titulacións debe ter unha das persoas que traballen na túa empresa instaladora?
   • a. Certas enxeñerías e enxeñerías técnicas, como IT Telecomunicación.
   • b. Titulados de certos ciclos formativos de grao superior, como por exemplo técnico superior en sistemas de telecomunicación e informáticos.
   • c. Titulados en certos ciclos formativos de grao medio, como por exemplo técnico en instalacións de telecomunicacións.
   • d. Todas son certas.
3. É obrigatoria a instalación de fogares dixitais en edificios de nova construción?
   • a. Sempre. É un dos cambios no novo regulamento da ICT.
   • b. A partir de 20 vivendas
   • c. Nunca, só se recomenda.
   • d. Depende do resultado do intercambio de información cos operadores de servizo.
4. Unha das novedades máis relevantes do novo regulamento das ICT é a incorporación de:
   • a. Estacións base para móbiles de última xeración.
   • b. Estacións base para acceso mediante IEEE 802.11 a/b/g/n (Wi-Fi).
   • c. Cableado de FO para o acceso a redes ultrarrápidas.
   • d. Cableado de correntes portadoras (PLC) na instalación de interior de usuario.
5. Que servizo da ICT se utiliza menos en España?
   • a. RTV.
   • b. STDP.
   • c. TBA.
   • d. SAI.
6. Quen debe realizar o PT dunha ICT?
   • a. Enxeñeiro con titulación adecuada.
   • b. Arquitecto ou arquitecto técnico.
   • c. Un titulado universitario de calquer especialidade.
   • d. O instalador de telecomunicacións en todo caso.
7. Cal dos seguintes equipamentos necesita exclusivamente un instalador de telecomunicacións dedicado á instalación de ICT de nova xeración?
   • a. Medidor de terra.
   • b. Simulador FI.
   • c. Equipamento para empalme ou conectorización de FO.
   • d. Medidor de intensidade de campo.
8. Cantos tipos diferentes de instaladores de telecomunicación define o regulamento ICT.
   • a. Só 1, o instalador ICT.
   • b. 5tipos,A,B,C,D,E.
   • c. 6tipos,A,B,C,D,E,F.
   • d. Todas son falsas.
9. A que tipo de instalador se corresponde aquel que realiza instalacións de ICT de nova xeración e redes de telecomunicacións de control, xestión e seguridade en edificacións ou conxuntos de edificacións
   • a. Tipo A.
   • b. Tipo C.
   • c. Tipo D.
   • d. Tipo F.
10. Cando é obrigatoria a dirección de obra na execución dunha ICT?
    • a. Cando o proxecto técnico se refira a ICT de edificios ou conxuntos de edificacións de máis de 20 vivendas.
    • b. Cando nas ICT en edificacións de uso residencial se inclúan elementos activos na rede de distribución.
    • c. Cando o proxecto técnico de ICT inclúa as instalacións de fogar dixital.
    • d. Todas son correctas.

Extraído de:

• “Configuración de Infraestructuras de Sistemas de Telecomunicaciones” – Paraninfo, 2014
• Apuntes “Platega” do módulo de Configuración de Infraestructuras de Sistemas de Telecomunicaciones

Volver ó curso